Traducteur Sylvain KIMOUR KALUBI
1. Matshuwa a munya wa diba adi muakuikala mishindu bungi munyi?
Kudi mishindu menamena ya matshuwa idi amu isatu (3):
a) Matshuwa a kasheta
Buimpe bua ditshuwa edi didi dipika ne lutulu ne kabidi, biakudia bia bungi biboba diakamua. Kudi mishindu mivula mishilashilangana : Tshilejilu tudi bua kuinyika tshipapu tshiadi tshitangila hashi nansha kushintulula bungi bua réflecteur* bua. Bua kumanya malu bua mishindu ei udi mua kutangila site web…
b) Ma-tshuwa a bipapu-bipapu
Mukalenga Roger Bernard wa mu ditunga dia France ke wakapatula lungenyi luimpe pa matshuwa mu bikondu bishala ebi. Mushindu eu muenza ne bipapu ebi bidi bisangisha nsesa ya diba yonsu muaba umua umua ne ituma mushi mua luesu luetu lukuta munda mua kabudibu nansha mushindu mukuabu luesu luetu elu tudi mua kulubuikila lumuenu nanku biakudia bietu bidi bua kuboba mu tshipolu tshia diba dimua (1 heure)
Bua kuenza ditshuwa dia munya wa diba edi kabiena bikengela lupetu luabungi to. Tangila mu ditunga dia Kenya mukamponyi ka bena tshimuanyi kadi dina ne Kakuma mbenza ditshuwa edi ne lupetu lua ndola ya Amerika ibidi tshianana (2$).c) Ma-tshuwa a dilongu (malongu) anyi tshitonga
Pa tshibidilu batu benza matshiwa aa ne bintu bia bijengu bikala biondoka bu tshitonga anyi dilongu bionsu ebi bisambakaja nsesa ya diba bayituma mushi mua luesu. Buimpe buadi didi dipika bia kudia ne lukasa bipita pa mudilu wa tshibidilu. Kadi bubi buadi kudi lutatu bua kueza, ne bilomba bua kuikala utangila ku diba ,bua kudijadika ku munya wa diba. Ebi bidi mua kukeba mua kosha mensu anyi ku ashipa pa udi kuyi mueza ne ditalama. Kadi bua kuempuka ntatu yonso eyi , mushindu wa difuwa dieza kudi Dr Diete Seifert mulongolola bionsu ebi.
Mukanda eu udi uleja mishindu mivulangana ya matshuwa.